अभिधानमञ्जरी

मदनादिगणवर्ग - २४. वत्सकादिवर्ग
हिममरिच (कौन्ती)
मलयोद्भवमपरं स्यात् पृथुमरिचं तिक्तमरिचमाढ्यं च |
हिममरिचं नरमरिचं पृथ्वीका चव्यपर्णिका कौन्ती ||३२७||

मदनादिगणवर्ग - २४. वत्सकादिवर्ग
 

कौन्तीविशेष
कौन्ती भवेद् द्वितीया हरेणुकं रेणुकं च क ...लोलम् |
कपिलं द्विजं हिमाख्यं राजसुता नन्दनी च पाण्डुसुता ||३२८||

  अभिधानरत्नमाला - ५. कटुस्कन्ध

कपिला रेणुका कौन्ती राजपुत्री हरेणुका ||६४||

अष्टाङ्गनिघण्टु - ३. पिप्पल्यादिगण

कृष्णाग्रन्थिककाकमाचिचविकाविश्वौषधाजाजिभिः पाठारामठरेणुकागजकणासिद्धार्थचित्रोषणैः |
स्पृक्का जात्यजमोदहिङ्गुत्रुटिभिः भार्ङ्गीविलङ्गान्वितैः एभिर्विंशतिभिः कफामयहरः कृष्णादिकोऽयं गणः ||३०||

कैयदेवनिघण्टु - १. ओषधिवर्ग
रेणुका
महिला नन्दिनी कौन्ती रेणुका कपिला द्विजा |
कपिलैला पाण्डुपत्नी राजपुत्री हरेणुका ||१३५०||
रेणुका कटुका पाके तिक्ताऽनुष्णा कटुर्लघुः |
पित्तला दीपनी मेध्या पाचनी गर्भपातनी ||१३५१||
बलासवातवैचित्त्यतृट्कण्डूविषदाहनुत् |१३५२|

धन्वन्तरिनिघण्टु - ३. चन्दनादिवर्ग
रेणुका
रेणुका राजपुत्री च नन्दिनी कपिला द्विजा |
कपिलोला पाण्डुपत्नी स्मृता कौन्ती हरेणुका ||५२||
रेणुका शिशिराऽत्यन्ता तृष्णां कण्डूं च नाशयेत् |
विषघ्नी दाहदौर्बल्यमुन्मूलयति योजिता ||५३||

भावप्रकाश-पूर्वखण्ड-मिश्रप्रकरण - ३. कर्पूरादिवर्ग
हरेणुका
रेणुका राजपुत्री च नन्दिनी कपिला द्विजा |
भस्मगन्धा पाण्डुपुत्री स्मृता कौन्ती हरेणुका ||८७||
रेणुका कटुका पाके तिक्तानुष्णा कटुर्लघुः |
पित्तला दीपनी मेध्या पाचनी गर्भपातिनी |
बलासवातकृच्चैव तृट्कण्डूविषदाहनुत् ||८८||

मदनपालनिघण्टु - ३. कर्पूरादिवर्ग
हरेणुका
रेणुका कपिला कौन्ती पाण्डुपत्री हरेणुका |
रेणुका पित्तला मेध्या वह्निकृद्गर्भपातिनी ||४०||

राजनिघण्टु - ६. पिप्पल्यादिवर्ग
रेणुका
रेणुका कपिला कान्ता नन्दिनी महिला द्विजा |
राजपुत्री हिमा रेणुः पाण्डुपुत्री हरेणुका ||१११||
सुपर्णी शिशिरा शान्ता कौन्ती वृत्ता च धर्मिणी |
कपिलोला हैमवती पाण्डुपत्नी च विंशतिः ||११२||
रेणुका तु कटुः शीता खर्जूकण्डूतिहारिणी |
तृष्णादाहविषघ्नी च मुखवैमल्यकारिणी ||११३||

नामसङ्ग्रह (प्रथम भाग) - ३. चन्दनादिवर्ग
रेणुका
पाण्डुपत्न्यां च कौन्ती स्याद् रेणुका च हरेणुका |
कपिलोला द्विजा चैव राजपत्नी च दन्तिनी ||३९८||
कपिला शशिमा वृत्ता महिला कोमला हिमा |३९९|

सौश्रुतनिघण्टु - ११. पिप्पल्यादिगण तथा एलादि गणम्

हरेणुका हिमाह्वा च महैला शिशिरात्मजा |
वृत्तैला कपिलैला च कुड्मली कौन्तिरेव च ||१५२||

पिप्पल्यादिः कफहरः प्रतिश्यायमरोचकम् |
विनिहन्त्यर्दितं गुल्मं शूलघ्नो ह्यामपाचनः ||१६१||       

एलादिको वातकफौ निहन्याद् विषमेव च |
वर्णप्रसादनः कण्डूपिडकाकोठनाशनः ||१८६||

मदनादिनिघण्टु - १. प्रथमगण
हरेणु
हरेणु रेणुका कौन्ती पाण्डुपुत्री बृहत्तुटिः |
कपिलैला राजपुत्री नन्दिनी चक्रवर्तिनी ||६५||
उष्णवीर्या रसे तिक्ता कौन्ती कफविनाशिनी |
दीपनी पाचनी मेध्या कृमिघ्नी गर्भपातिनी ||६६||

सिद्धमन्त्र - ५. कफवातघ्नवर्ग
कफवातघ्न पित्तोदासीन द्रव्य
अपित्तं कफवातघ्नं बिल्वः पत्तूरकोर्जकः ||९९||
आर्द्रकं रेणुका मध्यवार्ताकं चाम्लदाडिमम् |
शुष्के कोलकणे वङ्गकासीसे सीधुराक्षिकः ||१००||

सिद्धमन्त्रप्रकाश व्याख्या (बोपदेव कृत)

बिल्वो मालूरः, पत्तूरो लोहमारः| अर्जक प्रसिद्धः| आर्द्रकं शृङ्वेरं, रेणुका कौन्ती, मध्यवार्ताकं मध्यं नातिकोमलं नातिजरठं, अम्लदाडिमं अम्लरसं दाडिमीफलम्| शुष्के कोलकणे; कोलं बदरं, कणा पिप्पली, वङ्गकासीसे कासीसत्रपुणी, सीधुराक्षिकः आक्षिको बिभीतकत्वक्कृतः, आक्षिक्या सुरया कृत इति जैज्जटः| एतत्सर्वं श्लेष्मानिलघ्नं पित्तोदासीनञ्च||९९-१००||

सोढलनिघण्टु - चन्दनादिवर्ग द्रव्य

कौन्ती वक्त्रं च शैलेयं लावञ्जो गुछतामली |